א. וַיְהִי לְעֵת זִקְנַת רָבִּין מֶלֶךְ יִשְׂרָאֵל וַעֲבָדָיו הִטּוּ אֶת לְבָבוֹ אַחַר נְבִיאֵי אוֹסְלוֹ וְלֹא הָיָה לְבָבו שָׁלֵם עִם הֶרְצְל כַּאֲשֶׁר הָיָה לֵבָב אֲבוֹתָיו; ב. וַיֵּלֶךְ רָבִּין אַחַר הָבֵּיילִין וְאַחַר הַפֻּנְדָּק וְאַחַר הָלָרְסֶן וְהָרָגֻ'ב תּוֹעֲבַת בְּנֵי יְרִיחוֹ וְאַחַר עָרָפַאת שִׁקּוּץ פְּלִשְׁתִּים; ג. וַיַּעַשׂ רָבִּין הָרַע בְּעֵינֵי הַיָּמִין וְלֹא מִלֵּא אַחַר בֶּן-גּוּרִיּוֹן אָבִיו; ד. וַיִּקְשְׁרוּ עָלָיו בְּנֵי עָמִיר וְשֵׁם אִמָּם גְּאֻלָּה ויַכּוּהוּ אֶל הַחֹמֶשׁ קֳבָל עַם בַּכִּכָּר אֲשֶׁר לְמַלְכֵי יִשְׂרָאֵל וַיֵּצֵא הַחֵצִי מִלִּבּוֹ ויפול אַרְצָה וַיִּתְגֹּלֵל אֶל הַמְּסִלָּה; ה. וַיַּרְכִּיבֻהוּ עֲבָדָיו עַל רֶכֶב הַמִּשְׁנֶה אֲשֶׁר-לוֹ וַיְבִאֻהוּ אִיכִילוֹבָה וַיָּמָת שָׁם;
ו. אָז יֵחָלֵק הָעָם יִשְׂרָאֵל לִשְׁנַיִם, חֲצִי הָעָם הָיָה אַחֲרֵי שִׁמְעוֹן הַפֶּרְֶסִי לְהַמְלִיכוֹ וְהַחֵצִי אַחֲרֵי בֶּן-יְמִינִי נְתַנְיָהוּ בֵּן בֵּן-צִיּוֹן מִקֵּיסָרְיָה; ז. וּבִשְׁנַת שֵׁשׁ תִּשְׁעִים וּתְשַׁע-מֵאוֹת בְּעַשְׁתֵּי עָשָׂר לַחֹדֶשׁ הַשְּׁלִישִׁי, חָזַק הָעָם אֲשֶׁר אַחֲרֵי נְתַנְיָהוּ אֶת הָעָם אֲשֶׁר אַחַר פֶּרֶס וְיִמְלֹךְ נְתַנְיָהוּ;
ח. בֵּן אַרְבָּעִים וָשֵׁשׁ נְתַנְיָהוּ בְּמָלְכוֹ וְעֶשֶׂר שָׁנִים מָלַךְ עַל יִשְׂרָאֵל וְשֵׁם אִשְׁתּוֹ שָׂרָה וְהִיא פְּסִיכוֹלוֹגִית יְלָדִים; ט. בַּיָּמִים הָהֵם עָשׂוּ יִשְׂרָאֵל הָרַע, בְּעֵינֵי ה' וַיִּשְׁלַח בָּהֶם אֶת הַסּוּדָנִים וְאֶת הָאֶרִיתְרֵאִים וַיַּעֲלוּ מִמִּדְבַּר סִינַי תֵּל אָבִיבָה וַיְכַסּוּ אֶת עֵין הָעִיר נֶגְבָּה כֹּל אֶרֶץ הַתַּחֲנָה הַמֶּרְכָּזִית וגְּלִילוֹתֶיהָ; י. וַיִּבֶן נְתַנְיָהוּ הַחוֹמָה בִּגְבוּל אדום וַיְחַזֵּקָה וַיִּבֶן מִגְדָּלִים וַיַחְצֹב מִתְקְנֵי כְּלִיאָה רַבִּים בַּמִּדְבָּר וַיוֹשִׁיעַ אֶת יִשְׂרָאֵל מִיַּד בְּנֵי כּוּשׁ;
יא. בְּיָמָיו עָלָה כּוּשַׁן רִשְׁעָתַיִם עַל עַרְבוֹת-הַבְּרִית וַיִּלְכֹּד בָּהּ הַמְּלוּכָה וַיְהִי לִנְתַנְיָהוּ לְשָׂטָן כֹּל הַיָּמִים; יב. וַיִלְחַץ אֶת יִשְׂרָאֵל מִן הָעֲרָבָה וְעַד הַקַּו הַיָּרֹק וַיֹּאמֶר לְהַקְפִּיא כָּל גִּבְעָה וְכָל הִתְנַחֲלוּת רַעֲנַנָּה; יג. וַיִּכְרֹת כּוּשַׁן בְּרִית אֶת הַיִּשְׁמְעֵאלִים וְאֶת הַפָּרְסִים וַיֹּאמֶר לְקַצּוֹת בִּגְבוּל יִשְׂרָאֵל; יד. וַיְהִי אַחֲרֵי כֵן וַיַּסַּע נְתַנְיָהוּ מִמְּקוֹם מוֹשָׁבוֹ וַיִּֽחַן עַל עַרְבוֹת-הַבְּרִית וּשְׁלוֹשִׁים וּשְׁתַּיִם דִּיפְּלוֹמָטִים עוֹזְרִים אוֹתוֹ; טו. וַיַּעֲמֹד וַיִּקְרָא בְקוֹל-גָּדוֹל אֶל רָאשֵׁי עֲדַת הַקּוֹנְגְּרֶס עַד אֲשֶׁר יָצָא חִנּוֹ לִפְנֵיהֶם; טז. וַיָּקוּמוּ וַיִּשְׂאוּ כַּפֵּיהֶם וַיֵּשְׁבוּ וַיַּעֲשׂוּ-כֵן וַיֵּשְׁבוּ וַיְשַׁלֵּשׁוּ וַיְרַבְּעוּ עַד כִּי לֹא נוֹתַר בָּהֶם עוֹד כּוֹחַ לָקוּם וְלָשֶׁבֶת; יח. וַיִשְׂנָא כּוּשַׁן אֶת נְתַנְיָהוּ וְלֹא יָכֹל דַּבְּרוֹ לְשָׁלֹם.
ביום השמיני בשנת שש עשרה ואלפיים
יט. וּפְלִשְׁתִּים נֶאֶסְפוּ לַמַּעֲרָכָה עִם יִשְׂרָאֵל חֲמִשִּׁים אֶלֶף רַגְלִי וְרִבּוֹא מִטְעָנִים וְטִילִים רַבִּים כַּחוֹל אֲשֶׁר עַל-שְׂפַת-הַיָּם לָרֹב; כ. וַיַּעֲלוּ בֵּית חָנוּן וסָגָ'עִיה וּלְכַתָּבֵיהֶם הָעוֹיְנִים לִפְעִילֵי הַשָּׁלוֹם אֲשֶׁר עִמָּם אֵין מִסְפָּר וְיִתְגָּרוּ בְּיִשְׂרָאֵל לַמִּלְחָמָה; כא. ובִּשְׁנַת שְׁמוֹנֶה לְמָלְכוֹ הִכָּה נְתַנְיָהוּ אֶת עַזָּה וּבְנוֹתֶיהָ וְלֹא שָׁמַע אֶל כּוּשַׁן וַיַּךְ בַּפְּלִשְׁתִּים מַכָּה-גְדוֹלָה אֶלֶף מָאתַיִם אִישׁ כָּל נִסְתַּר מֵאַחֲרֵי יֶלֶד וְכָל נֶחְבָּא אַחַר גַּב אִשָּׁה; כב. וַיִּתֵּן שְׁמֵי אַשְׁקְלוֹן כְּבַרְזֶל וּשְׁמֵי אַשְׁדּוֹד כִּנְחוּשָׁה מִפְּנֵי חִצֵּי פְּלִשְׁתִּים וְלֹא יָכְלוּ לוֹ; כג. מִפְּנֵי נְתַנְיָהוּ נָסוּ פְּלִשְׁתִּים אֶל הַמְּעָרוֹת וְאֶל הַנְּקָרוֹת וְאֶל הַחֲוָחִים וַתְּהִי הַמִּלְחָמָה חֲזָקָה עַל-פְּלִשְׁתִּים, כֹּל יְמֵי נְתַנְיָהוּ;
כד. וּבַחֹדֶשׁ העַשְׁתֵּי עָשָׂר בַּיּוֹם הַשְּׁמִינִי בִּשְׁנַת שֵׁשׁ עֶשְׂרֵה וְאַלְפַּיִם לָכַד טְרָאמְפּ אֶת הַמְּלוּכָה עַל עַרְבוֹת-הַבְּרִית כה. וַיֵּלֶךְ וַיַּךְ אֶת בֵּית אוֹבָּאמָה עַד-בִּלְתִּי הִשְׁאִיר-לוֹ שָׂרִיד וַיִּמְלֹךְ תַּחְתָּיו. כו. אָז נָשָׂא טְרָאמְפּ אֶת רֹאשׁ נְתַנְיָהוּ מֵעַל הַמְּלָכִים הָאֲחֵרִים אֲשֶׁר עִמּוֹ, וַיְדַבֵּר אִתּוֹ, טֹבוֹת וַיִּכְרֹת לוֹ בְּרִית וַיִּשְׁלָחֵהוּ;
כז. וּנְתַנְיָהוּ בָּנָה אֳנִיּוֹת לָלֶכֶת תַּרְשִׁישָׁה; כח. וַיִּכְרֹת בְּרִית אֶת מַלְכֵי שְׁבָא אֶת מֶלֶךְ רוּאַנְדָּה וְאֶת מֶלֶךְ אוּגַנְדָּה וְאֶת מֶלֶךְ קֶנְיָה; כט. וַיָּשֻׁבוּ עֲבָדָיו יְרוּשָׁלַיְמָה נוֹשְׂאֵי הֶסְכֵּמִים וְכִבּוּדִים שֶׁנְהַבִּים קוֹפִים וְתֻכִּיִּים; ל. וּמִשָּׁם נָסַע רוּסְיָה וְסִינְגָּפּוּר וְאוֹסְטְרַלְיָה אֲשֶׁר מֵעֵבֶר לַיָּם הַגָּדוֹל וּמִשָּׁם לְמִדְבַּר סִין הָעֲמָמִית לא. וְכָל הָאֲרָצוֹת מְבַקְּשׁוֹת אֶת פְּנֵי בֶּן-יְמִינִי בֵּן בֶּן- צִיּוֹן לִשְׁמֹעַ אֶת חָכְמָתוֹ וְאֶת חָכְמַת שָׂרָתוֹ אֲשֶׁר-נָתַן אֱלֹהִים בְּלִבָּם; לב. וַיְהִי לֶחֶם בֶּן-יְמִינִי שָׂרָתוֹ חָמֵשׁ עֶשְׂרִים כִּכָּר גְּלִידָה פִיסְטוּק לְיוֹם אֶחָד מִלְּבַד עֶשְׂרִים כֹּר סִיגָרִים וְאַרְבָּעִים סְאָה שַׁמְפַּנְיוֹת וְרֻדּוֹת. לג. וְשֵׁם בִּתּוֹ נֹעָה וְשֵׁם בָּנָיו יָאִיר וְאַבְנֵר וְהָאִישׁ בֶּן-יְמִין גָּדוֹל מְאוֹד כִּי הוּא רוֹדֶה בְּכָל מַלְכֵי מֶרְכָּז הַלִּכּוּד וּבְכָל שָׂרֵי הַקַּלְפִּיּוֹת וּבְכָל אֲחַשְׁדַּרְפְּנֵי הַוְּעָדִים; לד. וְשָׁלוֹם, הָיָה לוֹ מִכָּל-עֲבָרָיו--מִסָּבִיב וַיֵּשֶׁב יִשְׂרָאֵל לָבֶטַח, אִישׁ תַּחַת סְטַרְט-אַפּוֹ וְתַחַת אֶקְזִיטוֹ, מקֵיסָרְיָה וְעַד-רְחַבְיָה--כֹּל, יְמֵי נְתַנְיָהוּ;